Ертіс ауданының білім беру мекемелерінің Веб-сайттары

Веб - сайты образовательных учреждений Иртышского района

Қазақстан Республикасы Білім және ғылым министрінің 2017 жылғы 27 шілдедегі № 355 (2023 ж.01.03. № 56 өзгерістермен) бұйрығымен бекітілген Қамқоршылық кеңестің жұмысын ұйымдастырудың үлгілік қағидаларының және оны білім беру ұйымдарында сайлау тәртібінің (бұдан әрі – қағидалар) 8-тармағын орындау мақсатындамектепке дейінгі, жалпы орта білім беру және қосымша білім беру ұйымдарындаҚамқоршылық кеңестерді қалыптастыру бойынша жұмыс жүргізілуде.

Қамқоршылық кеңестің құрамы Қамқоршылық кеңестің мүшелігіне кандидаттардың жазбаша келісімімен алынған ұсыныстар негізінде құрылады.

Қағидалардың 10-тармағына сәйкес мектепке дейінгі білім беру ұйымдарының Қамқоршылық кеңесінің құрамына:

     1) мектепке дейінгі ұйым білім алушылардың ата-аналары немесе заңды өкілдері (әрбір жастық топтан осы мектепке дейінгі білім беру ұйымындағы білім алушылардың бір ата-анасы немесе заңды өкілі) – жастық топтың санынан аспайды;

      2) педагогикалық еңбек ардагерлері (бар болса) – 1 адам;

    3) жергілікті өкілдік және/немесе атқарушы, және/немесе құқық қорғау органдарының өкілдері – 1-3 адам;

      4) үкіметтік емес (коммерциялық емес) ұйымдардың өкілдері – 1-2 адам;

      5) қайырымдылық жасаушылар және/немесе меценаттар (бар болса) – 1-2 адам;

      6) бұқаралық ақпарат құралдарының өкілдері (бар болса) – 1 адам кіреді.

Қағидалардың 10-тармағына сәйкес орта білім беру ұйымдарының Қамқоршылық кеңесінің құрамына:

     1) осы білім беру ұйымында білім алушылардың ата-аналары немесе заңды өкілдері (әрбір қатарлас сыныптардан осы білім беру ұйымындағы білім алушылардың бір ата-анасы немесе заңды өкілі) – 11 адамнан артық емес;

      2) педагогикалық еңбек ардагерлері (бар болса) – 1 адам;

      3) жергілікті өкілдік және/немесе атқарушы, және/немесе құқық қорғау органдарының өкілдері – 1-3 адам;

      4) үкіметтік емес (коммерциялық емес) ұйымдардың өкілдері – 1-2 адам;

      5) қайырымдылық жасаушылар және/немесе меценаттар (бар болса) – 1-2 адам;

      6) бұқаралық ақпарат құралдарының өкілдері (бар болса) – 1 адам кіреді.

      7) оқушылардыңөзін – өзібасқаруоргандарыныңөкілдері – 1-2адам кіреді.

Қағидалардың 10-тармағына қосымша білім беру ұйымдарының Қамқоршылық кеңесінің құрамына:

  1) мектептен тыс ұйымында білім алушылардың ата-аналары немесе заңды өкілдері – 3 адамнан кем емес;

      2) педагогикалық еңбек ардагерлері (бар болса) – 1 адам;

      3) жергілікті өкілдік, атқарушы, және құқық қорғау органдарының өкілдері – 1-3 адам;

      4) үкіметтік емес (коммерциялық емес) ұйымдардың өкілдері – 1-2 адам;

      5) қайырымдылық жасаушылар және/немесе меценаттар (бар болса) – 1-2 адам;

      6) бұқаралық ақпарат құралдарының өкілдері (бар болса) – 1 адам кіреді.

      7) оқушылардың өзін – өзі басқару органдарының өкілдері – 1-2адам кіреді.

Қағидалардың 9-тармағынасәйкес Үміткерлер Қамқоршылық кеңесті сайлау және оның құрамы бойынша ұсыныстарды қабылдау туралы хабарландыруда көрсетілген мерзімдерде Комиссияға келесі құжаттарды ұсынады:

1) өтініш (еркінтүрде);

 2) үміткердің жеке басын куәландыратын құжаттың көшірмесі;

3) қазақ немесе орыс тілдеріндегі түйіндеме;

  4) білімі туралы құжаттың көшірмесі (барболса); 

  5) Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің аумақтық бөлімшелері берген соттылығының және сыбайлас жемқорлық құқықбұзушылықтардың жоқтығын растайтын құжаттар.     

Үміткерлер өздерінің кәсіби (немесе) қоғамдық қызметі туралы қосымша мәліметтерді ұсынады.

Жоғарыда айтылғандардың негізінде Қамқоршылық кеңестің құрамына кіру үшін төменде көрсетілген байланыс деректері бойынша тиісті білім беру ұйымына жүгіну қажет. Ұсыныстарды қабылдау мерзімі ағымдағы жылдың 1-20 қыркүйегі аралығында.

Білім беру ұйымдарының тізімі қоса беріледі. Анықтама телефоны: 87183222538